Nyhetsarkiv

Kartlegging av frivilligheita i Stad kommune

06.02.24: I november 2023 vart det gjort ei stotstilt kartlegging av frivillige lag og organisajonar i Stad kommune. Frivillighet Norge i samarbeid med Rambøll hadde oppdraget i å gjennomføre spørjeundersøkinga og lage ein rapport. Men ein svarprosent på 63 % og har vi fått eit godt og viktig innblikk i korleis det står til i frivilligheita i Stad. Her kan du lese både rapporten og presentasjonen Brita Brekke frå Frivillighet Norge heldt på Frivilligkvelden 2024:

Frivilligkveld

12.01.24: Lag og organisasjonar i Stad - velkomne til Frivilligkveld på Bryggja grendahus, onsdag 24.01.2024 kl. 17.30 - 20.30. Er du tillitsvald, medlem eller frivillig i ein organisasjon. Kom å bli med på ein trivelig og lærerik kveld!. Vi får presentert resultatet av kartlegginga som vart gjort av frivilligheita i Stad kommune i november. Der vert servert kveldsmat, og du kan presentere din organisasjon og dine aktivitetar og søkje samarbeid på informasjonstorget. Vi inviterer også til dialog mellom kommunetilsette og frivillige om korleis vi kan løyse heilt konkrete utfordringar i lag. Klikk deg vidare og meld deg på!

Korleis er det å vere frivillig i Stad? Kartlegginga av frivilligheita i Stad er i full gang.

16.11.23: Målet i Stad kommune si frivilligpolitiske plattform er at det skal vere enkelt. Men er det slik? Kva må til for at vi saman skal nå dette målet? Måndag 13. november fikk alle frivillige organisasjonar i Stad kommune utsendt kartleggingsundersøkelse frå Frivillighet Norge. Sjekk om du /din organisasjon har fått e-posten frå Frivillighet Norge. Dersom det er organisasjonar som ikkje har fått den så ber vi alle om å sjekke mappe for søppelepost. Det kan vere at den ligg der. Dersom den ikkje ligg der, kontakt Eid eller Selje Frivilligsentral. No håpar vi at alle vil bruke 15-25 minutt og svare på undersøkinga. Utvida Svarfrist :4.desember.

Frisklivssentralen arrangerer kvardagsgledekurs! (18 år og opp)

21.09.23: Kurset passar for folk over 18 år som ynskjer å ta grep om kvardagen. Kvardagsglede handlar om kva som skapar gode kvardagsopplevingar og det bidrar til å styrke di psykiske helse. Kurset handlar om korleis du, med fem grep og konkrete øvelsar, kan oppleve auka kvardagsglede. Kurset går over 6 kursdager, torsdagar kl. 12.30 – 15.00 frå 19. oktober til 23. november i Selje. Vi planlegger for kursrekker 2 ganger i året, annankvar gang i Selje og på Nordfjordeid.

Inspirasjonssamling for lag og organisasjonar og Innbyggjartreff , 26.08.23

20.04.23: Laurdag 26.08.2023 er det klart for innbyggjartreff i Operahuset Nordfjord, der frivilligheita i Stad og kommunen møter innbyggjarane. Vi håpar at så mange frivillige organisasjonar som mulig vil ha stand i Operahuset denne dagen. Vi har eit stort mangfald av organisasjonar som tilbyr ei mengde frivillige aktivitetar og sosiale møteplassar. Vi har lyst til at de skal vise dette fram! Det blir også mulig for lag og organisasjonar å delta på ei inspirasjonssamling før innbyggjartreffet. Klokka 14.00 opnar dørene for publikum/innbyggjarane. Sjå program og finn lenke til påmelding til inspirasjonssamlinga og stand: (Påmelding gjeld kun for lag og org. )

Gratulerer med frivillighetensdag 5.desember

05.12.22: Frivilligheita sitt år 2022 er snart over og i dag, 5 desember feirer og markerer vi frivilligheita sin dag! Selje frivilligsentral og Eid frivilligsentral vil med dette gratulere og takke alle eldsjeler og frivillige lag og organisasjonar for alt det viktige arbeidet de gjer for og i lokalsamfunnet vårt. Vi oppmodar alle til å sende ei takk eller ei merksemd til frivillige som har betydd noko for deg. Vi ynskjer å takke alle frivillige, store og små. Takk for at de skaper møte mellom menneske, levande bygder og bygde-/kulturhus, aktivitetar og tilbod, liv og røre. Frivilligheita byggjer gode samfunn og skaper utvikling, glede og meining i livet.! Takk <3 Under kan du finne lenke til to ulike premierer som kom ut i dag på frivilligheita sin dag. Du finn også lenkje til å følgje den nasjonale markeringa i Oslo.

Gratisbutikk, 28.11.22

23.11.22: Selje frivilligsentral, Selje sanitetsforeining, biblioteket, kyrkja og pilgrimsenteret har i samarbeid samla inn fint brukte kle og laga til ein gratis butikk. Det vil bli sal av kaffi og kake og moglegheit å lage julepynt av gjenbruk. Ei av Sanitetsdamene stiller også med symaskin og kan justere plagg om det er behov. Butikken er open første veka i desember og kanskje lenger. Takk til alle som har levert inn kle, sko og leikar og velkommen til alle!! Vi har julemusikk og god stemning.

Stadven - Inkluderingskontakt for nye innbyggjarar

22.11.22: Når ein er ny på ein stad er det fint å ha kontakt med lokale som kjenner plassen, muligheitene, språket og kulturen. Det er igjennom møte med andre mennesker og deltaking i aktivitet ein blir inkludert og kan trivast. Her kan du melde deg både som Stadven- frivillig inkluderingskontakt, og melde i frå om du har behov for ein Stadven. Det er spesielt stort behov for dette tiltake no som Stad kommune får mange nye flyktningar. Her vil det også bli behov for frivillige til ulike praktiske oppgåver.

Velkomne til ALLEMED-dugnad i Stad kommune!, 03.09.22

25.08.22: Korleis kan vi inkludere alle born og unge i fritidsaktivitet? No inviterer Stad kommune og Frivilligsentralane til ALLEMED-dugnad i Operahuset Nordfjord laurdag 3. september kl. 10.00 - 12.30. Dette er ein tverrfagleg dugnad mellom kommune, frivillige, andre aktivitetstilbydarar, ungdom og foreldre der vi saman brukar dialogverktøyet ALLEMED for å skape diskusjon, bevisstgjering og å finne løysningar på korleis vi i fellesskap kan jobbe for å få alle barn og unge med i fritidsaktivitetar. ALLEMED-dugnaden skjer i forkant av Innbyggjartreffet same dagen.

Bli med på innbyggjartreff og ALLEMED-dugnad 3. sept!

23.08.22: Laurdag 3. september inviterer Stad kommune og Frivilligsentralane lag, org. og innbyggjarar til treff i Operahuset Nordfjord kl. 14.00 - 16.00! Bli kjende med frivillige lag og organisasjonar/fritidsaktivitetar i Stad, kakefest, gratis kino m.m. På føremiddagen same dag inviterer vi til ALLEMED-dugnad. Lag og organisasjonar som stiller med stand på innbyggjartreffet og som deltek på ALLEMED-dugnaden må melde seg på. Elles er det ope hus på Innbyggjartreffet! Skyss blir sett opp v/ behov ( Obs påmelding der og!)

Utlysing av Sommarhjelpjobbar 2022

27.05.22: Selje Frivilligsentral og Eid Frivilligsentral har vore så heldige å få tildelt kr. 300.000,- frå Gjensidigestiftelsen til å kunne tilsette Sommarhjelper også i 2022. Ei sommarhjelp er ein ungdom mellom 14 og 20 år med folkeregistrert adresse i Stad kommune. Sommahjelpene dette året skal fortrinnsvis skape sommarmøteplassar for andre born/unge. No lyser vi ut stillingane. Søknad skjer på elektronisk skjema. Søknadsfrist er fredag 10. juni.

Frivillige lag og organisasjoner kan søke momskompensasjon

19.05.20: Frivillige lag og organisasjoner kan søke momskompensasjon Frå i dag kan frivillige lag og organisasjonar søke om momskompensasjon frå Lotteri- og stiftelsestilsynet som skal fordele 1,685 milliardar kroner i momskompensasjon. Søknadsfristen er 1.september, men fleire lag og organisasjonar må sende søknad via sentralleddet som ofte har frist tidlegare. Hugs at alle som søkjer må vere registrert i Frivilligregisteret.

Tilskotsordning for frivillige organisasjonar som jobbar for og med barn og ungdom i Stad kommune

14.05.20: Retail Eiendom AS med Rema 1000 og Wenaas Kapital AS er ein av aktørene innen næringsutvikling på Eid. Selskapet jobbar aktivt med utvikling av Eid Næringspark. Jan Petter Larsen og Magne Jan Vik i Retail Eiendom AS ønsker å gi kr. 100.000,- til lokale frivillige organisasjonar som jobbar for og med barn og ungdom. Representerer du ein organisasjon eller eit lag som trenger støtte? Har du eit prosjekt eller ein god idè som kan bidra til fellesskapet der du bor eller skaper aktivitet for barn og ungdom? Vi vil oppfordrer deg til å søke støtte hos oss.

Tv Aksjonen - CARE

11.09.19: 20. oktober er det TV-aksjonen for Care Norge. Selje sin kommunekomité består av Gerd Endal i Selje sanitetsforeining, Magnhild Sjåstad Kongsvoll og Hildegunn Hagen i Kjærringa husflidlag. Frå Selje kommune er Jan Vidar Smenes og Stein Robert Osdal representert. No starter vi planlegginga og det største arbeidet er å skaffe nok bøsseberarar. Ynskjer du å hjelpe til, meld deg som bøsseberar på https://blimed.no/boessebaerer/ eller ring Selje kommune på 57858500.

Nyttige lenker

Kontakt

Nabben 80
Selje

Nabben 80
6740 Selje

95869223

post@selje.frivilligsentral.no
selje.frivilligsentral.no

Organisasjonsnummer
938521816

Sosiale media

Facebook

2024 © Selje Frivilligsentral