Velukka frivilligkveld

Det var god stemning, varierte inspirasjonsinnlegg og mange gode spørsmål og innspel på dialogmøte mellom frivilligheita og kommunen.

Nesten 100 personar frå frivillige lag og organisasjonar, tilsette og politikarar i Stad kommune var samla i det flotte Grendahuset på Bryggja. 

Kvelden starta med nydeleg mat frå Bakeriet, og fin underhaldning frå Bryggja skulekorps og elev frå Stad kulturskule.
Vidare vart vi inspirert av innlegg frå Selje sanitetsforeinig om oppstart av butikken Brukt og Brukande, LHL med si gode og landvarige satsing på yoga og trim tilpassa for godt vaksne, Hjelle utviklingslag med det spenstige Pumptrack prosjektet og Eid IL Handball gruppa sitt gode arbeid om å få alle med.
Deretter var det over i instenst gruppearbeid der ein har fått inn vanvittig mange og gode innspel på utfordringar, ynskjer og mulige samarbeidsprosjekt. Avslutta med ei spørsmål runde.

Alle innspela vil bli lagt ut her når dei er klar.

Ein del informasjon frå kommunen og frivillige vart lagt fram, men ein fekk kanskje lita tid å sjå på det.
Legg derfor med nokre lenker nedst på sida her der ein kan oppsøke ein del av dette sjølv.
Elles kan ein alltids ta ein telefon til frivillig sentralane eller sentralbordet til Stad kommune. 

Denne frivilligkvelden var eit av dei to årlege faste treffa Stad kommune skal arrangere årleg for og med frivilligheita.
Nest ut er Innbyggjartreffet 26.august.
Her blir det først eit spennande foredrag og deretter stand og moglegheit for alle lag og org. å vise seg fram, rekruttere og snakke saman seg i mellom og med innbyggjarar
m. fl.


Påmeldingslenke kjem om ikkje lenge. :)


Det å vete om kvarandre var eit innspel /behov som ofte dukkar opp. Bruk www.stad.foreningsportal.no aktivt!
Lurer du på kvar du kan søkje pengar? www.tilskuddsportalen.no 
Låne gratis fritids/aktivitetsutstyr: www.bua.no 
Ver med å bidra til ny helse og omsorgsplan? Les meir HER
Vete meir om korleis du kan bruke frivilligsentralane som ein resurs og elles våre aktivitetar og tilbod?
Følg våre nettsider og facebooksider. Sjå meir info Infoskriv ståande Frivilligsentralen mars 2023
www.hjartestad.no , www.stad.kommune.no 
Oppfordra og til å like og følgje dei flotte sidene til frivilligheita.
Gjerne hjelpe å dele innlegg og info:)

Sjå bilde frå  den kjekke kvelden:


 

Del på:

Flere nyheter

Kartlegging av frivilligheita i Stad kommune

I november 2023 vart det gjort ei stotstilt kartlegging av frivillige lag og organisajonar i Stad kommune. Frivillighet Norge i samarbeid med Rambøll hadde oppdraget i å gjennomføre spørjeundersøkinga og lage ein rapport. Men ein svarprosent på 63 % og har vi fått eit godt og viktig innblikk i korleis det står til i frivilligheita i Stad. Her kan du lese både rapporten og presentasjonen Brita Brekke frå Frivillighet Norge heldt på Frivilligkvelden 2024:

Frivilligkveld

Lag og organisasjonar i Stad - velkomne til Frivilligkveld på Bryggja grendahus, onsdag 24.01.2024 kl. 17.30 - 20.30. Er du tillitsvald, medlem eller frivillig i ein organisasjon. Kom å bli med på ein trivelig og lærerik kveld!. Vi får presentert resultatet av kartlegginga som vart gjort av frivilligheita i Stad kommune i november. Der vert servert kveldsmat, og du kan presentere din organisasjon og dine aktivitetar og søkje samarbeid på informasjonstorget. Vi inviterer også til dialog mellom kommunetilsette og frivillige om korleis vi kan løyse heilt konkrete utfordringar i lag. Klikk deg vidare og meld deg på!

Nyttige lenker

Kontakt

Nabben 80
Selje

Nabben 80
6740 Selje

95869223

post@selje.frivilligsentral.no
selje.frivilligsentral.no

Organisasjonsnummer
938521816

Sosiale media

Facebook

2024 © Selje Frivilligsentral