Vil du bli Digihjelpar?

Vi i frivilligsentralane i Stad kommune søkjer frivillige som har lyst til å gjere den digitale kvardagen litt enklare for andre.

Som digihjelpar får du opplæring og støtte til å hjelpe med ting som mobil, nettbrett, appar, e-post, BankID, Helsenorge, offentlege tenester og andre digitale utfordringar. Du treng ikkje vere ekspert – det viktigaste er at du er tolmodig, nysgjerrig og likar å hjelpe andre.

Oppdraga kan vere ulike:

• éin-til-éin rettleiing på bibliotekene på Nordfjordeid og i Selje
• heimebesøk hos dei som ønskjer det
• kurs og rettleiing for mindre grupper

Du bestemmer sjølv kva slags oppdrag du vil ta, og kor ofte du vil bidra. Kanskje har du berre tid ein gong iblant – det er heilt fint!

Vi treng frivillige både i indre Stad (Nordfjordeid og omegn) og ytre Stad (Bryggja, Selje, Stadlandet og omegn).

📍 Nordfjordeid: Hovudbiblioteket på Operahuset Nordfjord, Sophus Lie-vegen 3
📍 Selje: Selje bibliotek på Selje kommunehus, Nabben 80

Du treng altså ikkje vere digital ekspert. Du treng berre å kunne litt – og ha lyst til å dele det du kan 😊

Spørsmål?
Ta gjerne kontakt med Camilla på e-post: camilla.husevag@stad.kommune.no 

Vil du bli med?

Meld di interesse her (bla heilt ned for kontaktskjema).