-
Bli med på Gjensidigestiftelsen sitt digitale søkjarmøte
Vurderer du å søkje støtte frå Gjensidigestiftelsen i år (søknadsfrist 01.03.), men er usikker på kva dei gir støtte til og korleis du søkjer? Onsdag 7. februar vert det arrangert digitalt søkjarmøte på Teams kl. 17.00. Bli med, bli med!
Sommarhjelp - Søknadsfrist 2.juni 2024
Frivilligsentralane og Stad kommune med støtte frå Gjensidigestiftinga og Bufdir tilbyr 2 vekers sommarjobb for ungdommar i Stad kommune. Meir informasjon og søknadsskjema finn du her:Ungdom i alder 14 - 20 år som har folkeregistrert bustadadresse i Stad kommune kan søkje.
Arbeidsperioden varer i 2 veker.
Arbeidsstad Selje eller Nordfjordeid.
Det er to ulike jobbar ein kan søkje på:
• Sommarhjelp ungdomsaktivitet:
Skape sommarmøteplassar/-aktivitet for barn/ungdom og drifte BUA.
• Sommarhjelp omsorg:
Skape aktivitet for eldre som bur på institusjon.
!Om ein som ungdom/søkjar kanskje treng ei ekstra tilpassing av ein eller anna grunn so vil vi leggje tilrette for dette. Det kan vere språk, bevegelse eller andre barrierar/utfordringa.
Pass då på å få med dine behov for tilrettelegging i søknaden.
Litt meir om jobbane som Sommarhjelp:
Sommarhjelp omsorg:
Dei som er sommarhjelp på institusjon vil få god opplæring og bli godt følgt opp av dei tilsette som jobbar der. Ein vil få oppgåver som å hjelpe til med mat og måltid, prate, lese, synge om ein vil, vere sosiale, gå turar og finne på andre aktivitetar ilag med bebuarane og dei andre tilsette.
Sommarhjelp ungdomsaktivitet:
Dei som skal jobbe med aktivitet, BUA og møteplassar for born/ungdom, vil få god opplæring og blir følgt opp av ein arbeidsleiar.
Hovudoppgåver til Sommarhjelpene:
- Drifte BUA.
lære seg BUA systemet, utlån, halde ordne på lokale og aktivitetsutstyret.
-Lage til aktivitetar og møteplassar for ungdom.
Nokon av aktivitetane i samarbeid med lokale lag og organisasjonar.
Alle som søkjer Sommarhjelp må legge ved ein CV i søknadsskjema.
Sjølv med liten eller ingen arbeidserfaring kan, og bør ein lage ein CV.
Klikk på lenkene/ blå knappane for gode tips:
Korleis skrive ein god CV Døme på CV/ CV mal
SØK på Sommarhjelp jobb her: SØKNADSSKJEMA
!Når ein søkjer skal ein krysse av for kva veker ein kan jobbe.
Pass på å planlegg godt for vi kan ikkje justere etter kvar enkelt i ettertid.
Altså om ein får tilbod om jobb og det viser seg at ein for eksempel kun kan jobbe ei av vekene pga andre planar, so må ein takke nei og jobben går til neste på lista. )
Dei som ikkje har jobba som sommarhjelp før og/eller ikkje har andre jobbar i sommar, vil bli prioritert.
*Er du over 20 og vil søkje på jobben som arbeidsleiar?
Les og søk om jobben HER
*Vil ditt lag/org lage, ein aktivitet for born og unge i sommarferien?
Ein kan då fylle ut eit enkelt søknadsskjema og få tilskot på kr 2000,- til aktiviteten/laget.
Les meir HER
Ta kontakt med dagleg leiar i Selje eller Eid frivilligsentral.
Del på:
-
Kartlegging av frivilligheita i Stad kommune
I november 2023 vart det gjort ei stotstilt kartlegging av frivillige lag og organisajonar i Stad kommune. Frivillighet Norge i samarbeid med Rambøll hadde oppdraget i å gjennomføre spørjeundersøkinga og lage ein rapport. Men ein svarprosent på 63 % og har vi fått eit godt og viktig innblikk i korleis det står til i frivilligheita i Stad. Her kan du lese både rapporten og presentasjonen Brita Brekke frå Frivillighet Norge heldt på Frivilligkvelden 2024:
-
Tilskot til kulturbygg - Søknadsfrist 31.03.2024
Tilskot til kulturbygg - Søknadsfrist 31.mars 2024. Tilskot til kulturarenaer med regionale funksjonar - Søknadsfrist 30.april 2024. Les meir om saka på Stad kommune si nettside.
-
Frivilligkveld
Lag og organisasjonar i Stad - velkomne til Frivilligkveld på Bryggja grendahus, onsdag 24.01.2024 kl. 17.30 - 20.30. Er du tillitsvald, medlem eller frivillig i ein organisasjon. Kom å bli med på ein trivelig og lærerik kveld!. Vi får presentert resultatet av kartlegginga som vart gjort av frivilligheita i Stad kommune i november. Der vert servert kveldsmat, og du kan presentere din organisasjon og dine aktivitetar og søkje samarbeid på informasjonstorget. Vi inviterer også til dialog mellom kommunetilsette og frivillige om korleis vi kan løyse heilt konkrete utfordringar i lag. Klikk deg vidare og meld deg på!
-
Frivillighetens dag 5.desember
I dag er det Frivilligdagen 5. desember. Dette er dagen for å takke alle frivillige for den innsatsen dei legg ned kvar einaste dag. TUSEN TUSEN TAKK!!! Ekstra kjekt for oss her i Stad er at flotte representantar frå frivilligheita i kommunen vår pryder gratulasjonsbannera som Norges Frivilligsentraler har laga til. Dette er bilete frå Klenkarberget sommarcamp og frå Frivilligfestivalen på Nordfjordeid i 2022.